Ni 19.01.2026 (Thawhtanni) khan Mizoram Chief Minister, Pu Lalduhoma chuan Tuirini Hydro Project Lungphum a phum a ni. Tuirini SHP Tuikhuah (DAM) hi Sesawng Khaw zawn ah siam tura ruahhman a ni a, Lei hmanga khuah tur a ni ang.He Project in a ken tel hrang hrang te chu hetiang hi ani-

  • Dam Type                                                        -                       Earth fill(Lei)
  • Dam san zawng                                              -                       86 meters
  • Dam thui zawng                                              -                       230 meters
  • Dam chung chhah zawng                               -                       10 meters
  • Upstream Coffer Dam san zawng                  -                        35 meters
  • Downstram Coffer Dam san zawng                -                       12.5 meters
  • Coffer Dam Type                                             -                       Earth fill (Lei)
  • Tuikhuah chim zau zawng                              -                        242.00 Ha
  • Tuikhuah hman theih chin                               -                       86.04Mcum
  • Fur tui paih thenna (Spillway)                         -                        Chute Spillway
  • Tui Paih chhuahna zau zawng                       -                       36.5 meters
  • Tui chim chin san zawng                                -                       EL 258 meters

       Lui khuap tur hian a hmasa berin a lui luang pangngai hi hruai kawi (divert) a tul thin a, chu chu Diversion tunnel hmanga tih thin a ni. Tin, Tuikhuah atanga a power house thleng tur hian tuikhuah atanga Tui lakna (Intake) siamin tui dawt a ngai a. Intake atang hian Head race tunnel (Tuikawng) hmangin Penstock thleng tui hi luan tir a ni ta thin a ni.

  •     Diversion Tunnel                   -           1 No., 10m a lian, 529m a thui
  •     Intake Tunnel                        -           1 No., 2.38m a vang, 3m a thui
  •     Head race Tunnel                 -           1 No., 2.42Km a thui, 3m a lian 

 

     Penstock hi thir pipe hmun sang zawk atanga power house a tui lak thlakna atana pipe hman a ni a. Tui pressure hi a san avangin pipe chhah leh rinawm tak hman a ngai thin a ni.

 

  •     Head (Hmun sang zawk atanga khawl khawh vir tur tui level leh khawl level insan hleihna)                                                                        -           115 meters

              (A in san hleihna hi a tam poh leh a electric siam theih hi a tam mai thin a ni)

  •        Power House Type                -            Surface (Lei hnuai a inphum ni lo)
  •        Penstock                                -           1 No., 2.65 m a lian, 335m a thui.

 

POWER THAR CHHUAH DAN TUR:

    Tuirini Power thar chhuah theih dan leh khawl awm dan chu hetiang hi a ni.

  •   Installed Capacity                                 -                      24Mw
  •   Nos. of Units                                         -                      2 X 12 Mw
  •   Firm Power                                           -                      5.73 Mw
  •   Annual generation                                -                      64.1 Gwh (Average year)
  •   Annual Generation                               -                      50.23 Gwh (75% dependable year)

 

PROJECT COST LEH FUNDING AWM DAN:

 

Loan                                                 State share                                               Total             

80%                                     -           20% (Minimum)                            -           100%

541.58 Cr                            -           135.4 Cr                                        -           676.98 Cr

        Rs. 135.4 Cr hi Mizoram State in a tum ve tur a ni a, Central sorkar hian Rs.541.58 hi NDB atangin loan a la anga, chumi atanga 10% ,Rs.54.158 Cr hi Mizoram sorkarin kum 16 chhung arul ve ang. A bak zawng hi Central sorkar in a rul thung dawn a ni. Central sorkar hian rulh ngai tawh lo Rs.487.422 Cr in Project min support dawn tihna a ni. Power & Electricity Department lam leh NDB lam hian loan sign a nih theih nan tunah hian hna tul te an thawk char char tawh a ni. NDB Mission team hian kum 2025 khan Mizoram rawn tlawh in Tuirini Project chungchang te leh Mizoram sorkar dinhmun te zir chiangin an rawn kal tawh a, an report hi NDB Board of Director pawmpui turin an in ruahman mek a ni. 

       New Development Bank duh dan in Tuirini Project enkawl tu bik tur Project Monitoring Unit pawh Mizoram sorkar hian a din fel tawh a. Project Management Consultant rawihna tur Tender pawh December, 2025 khan tih chhuah tawh a ni.